ஸுப்³ரஹ்மண்ய பு⁴ஜங்க³ ஸ்தோத்ரம்

ஸதா³ பா³லரூபாபி விக்⁴னாத்³ரிஹன்த்ரீ
மஹாத³ன்திவக்த்ராபி பஞ்சாஸ்யமான்யா।
விதீ⁴ன்த்³ராதி³ம்ருக்³யா க³ணேஶாபி⁴தா⁴ மே
வித⁴த்தாம் ஶ்ரியம் காபி கள்யாணமூர்தி:
॥ 1 ॥

ந ஜானாமி ஶப்³த³ம் ந ஜானாமி சார்த²ம்
ந ஜானாமி பத்³யம் ந ஜானாமி க³த்³யம்।
சிதே³கா ஷடா³ஸ்யா ஹ்ருதி³ த்³யோததே மே
முகா²ன்னி:ஸரன்தே கி³ரஶ்சாபி சித்ரம்
॥ 2 ॥

மயூராதி⁴ரூட⁴ம் மஹாவாக்யகூ³ட⁴ம்
மனோஹாரிதே³ஹம் மஹச்சித்தகே³ஹம்।
மஹீதே³வதே³வம் மஹாவேத³பா⁴வம்
மஹாதே³வபா³லம் பஜ⁴ே லோகபாலம்
॥ 3 ॥

யதா³ ஸம்னிதா⁴னம் க³தா மானவா மே
ப⁴வாம்போ⁴தி⁴பாரம் க³தாஸ்தே ததை³வ।
இதி வ்யஞ்ஜயன்ஸின்து⁴தீரே ய ஆஸ்தே
தமீடே³ பவித்ரம் பராஶக்திபுத்ரம்
॥ 4 ॥

யதா²ப்³தே⁴ஸ்தரங்கா³ லயம் யான்தி துங்கா³-
ஸ்ததை²வாபத:³ ஸம்னிதௌ⁴ ஸேவதாம் மே।
இதீவோர்மிபங்க்தீர்ன்ருணாம் த³ர்ஶயன்தம்
ஸதா³ பா⁴வயே ஹ்ருத்ஸரோஜே கு³ஹம் தம்
॥ 5 ॥

கி³ரௌ மன்னிவாஸே நரா யேதி⁴ரூடா⁴-
ஸ்ததா³ பர்வதே ராஜதே தேதி⁴ரூடா⁴:।
இதீவ ப்³ருவன்க³ன்த⁴ஶைலாதி⁴ரூட:⁴
ஸ தே³வோ முதே³ மே ஸதா³ ஷண்முகோ²ஸ்து
॥ 6 ॥

மஹாம்போ⁴தி⁴தீரே மஹாபாபசோரே
முனீன்த்³ரானுகூலே ஸுக³ன்தா⁴க்²யஶைலே।
கு³ஹாயாம் வஸன்தம் ஸ்வபா⁴ஸா லஸன்தம்
ஜனார்திம் ஹரன்தம் ஶ்ரயாமோ கு³ஹம் தம்
॥ 7 ॥

லஸத்ஸ்வர்ணகே³ஹே ந்ருணாம் காமதோ³ஹே
ஸுமஸ்தோமஸஞ்ச²ன்னமாணிக்யமஞ்சே।
ஸமுத்³யத்ஸஹஸ்ரார்கதுல்யப்ரகாஶம்
ஸதா³ பா⁴வயே கார்திகேயம் ஸுரேஶம்
॥ 8 ॥

ரணத்³த⁴ம்ஸகே மஞ்ஜுலேத்யன்தஶோணே
மனோஹாரிலாவண்யபீயூஷபூர்ணே।
மன:ஷட்பதோ³ மே ப⁴வக்லேஶதப்த:
ஸதா³ மோத³தாம் ஸ்கன்த³ தே பாத³பத்³மே
॥ 9 ॥

ஸுவர்ணாப⁴தி³வ்யாம்ப³ரைர்பா⁴ஸமானாம்
க்வணத்கிங்கிணீமேக²லாஶோப⁴மானாம்।
லஸத்³தே⁴மபட்டேன வித்³யோதமானாம்
கடிம் பா⁴வயே ஸ்கன்த³ தே தீ³ப்யமானாம்
॥ 1௦ ॥

புலின்தே³ஶகன்யாக⁴னாபோ⁴க³துங்க-³
ஸ்தனாலிங்க³னாஸக்தகாஶ்மீரராக³ம்।
நமஸ்யாம்யஹம் தாரகாரே தவோர:
ஸ்வப⁴க்தாவனே ஸர்வதா³ ஸானுராக³ம்
॥ 11 ॥

விதௌ⁴ க்ல்ருப்தத³ண்டா³ன்ஸ்வலீலாத்⁴ருதாண்டா³-
ந்னிரஸ்தேப⁴ஶுண்டா³ன்த்³விஷத்காலத³ண்டா³ன்।
ஹதேன்த்³ராரிஷண்டா³ன்ஜக³த்ராணஶௌண்டா³-
ந்ஸதா³ தே ப்ரசண்டா³ன்ஶ்ரயே பா³ஹுத³ண்டா³ன்
॥ 12 ॥

ஸதா³ ஶாரதா³: ஷண்ம்ருகா³ங்கா யதி³ ஸ்யு:
ஸமுத்³யன்த ஏவ ஸ்தி²தாஶ்சேத்ஸமன்தாத்।
ஸதா³ பூர்ணபி³ம்பா³: களங்கைஶ்ச ஹீனா-
ஸ்ததா³ த்வன்முகா²னாம் ப்³ருவே ஸ்கன்த³ ஸாம்யம்
॥ 13 ॥

ஸ்பு²ரன்மன்த³ஹாஸை: ஸஹம்ஸானி சஞ்ச-
த்கடாக்ஷாவலீப்⁴ருங்க³ஸங்கோ⁴ஜ்ஜ்வலானி।
ஸுதா⁴ஸ்யன்தி³பி³ம்பா³த⁴ராணீஶஸூனோ
தவாலோகயே ஷண்முகா²ம்போ⁴ருஹாணி
॥ 14 ॥

விஶாலேஷு கர்ணான்ததீ³ர்கே⁴ஷ்வஜஸ்ரம்
த³யாஸ்யன்தி³ஷு த்³வாத³ஶஸ்வீக்ஷணேஷு।
மயீஷத்கடாக்ஷ: ஸக்ருத்பாதிதஶ்சே-
த்³ப⁴வேத்தே த³யாஶீல கா நாம ஹானி:
॥ 15 ॥

ஸுதாங்கோ³த்³ப⁴வோ மேஸி ஜீவேதி ஷட்³தா⁴
ஜபன்மன்த்ரமீஶோ முதா³ ஜிக்⁴ரதே யான்।
ஜக³த்³பா⁴ரப்⁴ருத்³ப்⁴யோ ஜக³ன்னாத² தேப்⁴ய:
கிரீடோஜ்ஜ்வலேப்⁴யோ நமோ மஸ்தகேப்⁴ய:
॥ 16 ॥

ஸ்பு²ரத்³ரத்னகேயூரஹாராபி⁴ராம-
ஶ்சலத்குண்ட³லஶ்ரீலஸத்³க³ண்ட³பா⁴க:³।
கடௌ பீதவாஸா: கரே சாருஶக்தி:
புரஸ்தான்மமாஸ்தாம் புராரேஸ்தனூஜ:
॥ 17 ॥

இஹாயாஹி வத்ஸேதி ஹஸ்தான்ப்ரஸார்யா-
ஹ்வயத்யாத³ராச்ச²ங்கரே மாதுரங்காத்।
ஸமுத்பத்ய தாதம் ஶ்ரயன்தம் குமாரம்
ஹராஶ்லிஷ்டகா³த்ரம் பஜ⁴ே பா³லமூர்திம்
॥ 18 ॥

குமாரேஶஸூனோ கு³ஹ ஸ்கன்த³ ஸேனா-
பதே ஶக்திபாணே மயூராதி⁴ரூட⁴।
புலின்தா³த்மஜாகான்த ப⁴க்தார்திஹாரின்
ப்ரபோ⁴ தாரகாரே ஸதா³ ரக்ஷ மாம் த்வம்
॥ 19 ॥

ப்ரஶான்தேன்த்³ரியே நஷ்டஸஞ்ஜ்ஞே விசேஷ்டே
கபோ²த்³கா³ரிவக்த்ரே ப⁴யோத்கம்பிகா³த்ரே।
ப்ரயாணோன்முகே² மய்யனாதே² ததா³னீம்
த்³ருதம் மே த³யாலோ ப⁴வாக்³ரே கு³ஹ த்வம்
॥ 2௦ ॥

க்ருதான்தஸ்ய தூ³தேஷு சண்டே³ஷு கோபா-
த்³த³ஹச்சி²ன்த்³தி⁴ பி⁴ன்த்³தீ⁴தி மாம் தர்ஜயத்ஸு।
மயூரம் ஸமாருஹ்ய மா பை⁴ரிதி த்வம்
புர: ஶக்திபாணிர்மமாயாஹி ஶீக்⁴ரம்
॥ 21 ॥

ப்ரணம்யாஸக்ருத்பாத³யோஸ்தே பதித்வா
ப்ரஸாத்³ய ப்ரபோ⁴ ப்ரார்த²யேனேகவாரம்।
ந வக்தும் க்ஷமோஹம் ததா³னீம் க்ருபாப்³தே⁴
ந கார்யான்தகாலே மனாக³ப்யுபேக்ஷா
॥ 22 ॥

ஸஹஸ்ராண்ட³போ⁴க்தா த்வயா ஶூரனாமா
ஹதஸ்தாரக: ஸிம்ஹவக்த்ரஶ்ச தை³த்ய:।
மமான்தர்ஹ்ருதி³ஸ்த²ம் மன:க்லேஶமேகம்
ந ஹம்ஸி ப்ரபோ⁴ கிம் கரோமி க்வ யாமி
॥ 23 ॥

அஹம் ஸர்வதா³ து³:க²பா⁴ராவஸன்னோ
ப⁴வான்தீ³னப³ன்து⁴ஸ்த்வத³ன்யம் ந யாசே।
ப⁴வத்³ப⁴க்திரோத⁴ம் ஸதா³ க்ல்ருப்தபா³த⁴ம்
மமாதி⁴ம் த்³ருதம் நாஶயோமாஸுத த்வம்
॥ 24 ॥

அபஸ்மாரகுஷ்டக்ஷயார்ஶ: ப்ரமேஹ-
ஜ்வரோன்மாத³கு³ல்மாதி³ரோகா³ மஹான்த:।
பிஶாசாஶ்ச ஸர்வே ப⁴வத்பத்ரபூ⁴திம்
விலோக்ய க்ஷணாத்தாரகாரே த்³ரவன்தே
॥ 25 ॥

த்³ருஶி ஸ்கன்த³மூர்தி: ஶ்ருதௌ ஸ்கன்த³கீர்தி-
ர்முகே² மே பவித்ரம் ஸதா³ தச்சரித்ரம்।
கரே தஸ்ய க்ருத்யம் வபுஸ்தஸ்ய ப்⁴ருத்யம்
கு³ஹே ஸன்து லீனா மமாஶேஷபா⁴வா:
॥ 26 ॥

முனீனாமுதாஹோ ந்ருணாம் ப⁴க்திபா⁴ஜா-
மபீ⁴ஷ்டப்ரதா³: ஸன்தி ஸர்வத்ர தே³வா:।
ந்ருணாமன்த்யஜானாமபி ஸ்வார்த²தா³னே
கு³ஹாத்³தே³வமன்யம் ந ஜானே ந ஜானே
॥ 27 ॥

கலத்ரம் ஸுதா ப³ன்து⁴வர்க:³ பஶுர்வா
நரோ வாத² நாரீ க்³ருஹே யே மதீ³யா:।
யஜன்தோ நமன்த: ஸ்துவன்தோ ப⁴வன்தம்
ஸ்மரன்தஶ்ச தே ஸன்து ஸர்வே குமார
॥ 28 ॥

ம்ருகா³: பக்ஷிணோ த³ம்ஶகா யே ச து³ஷ்டா-
ஸ்ததா² வ்யாத⁴யோ பா³த⁴கா யே மத³ங்கே³।
ப⁴வச்ச²க்திதீக்ஷ்ணாக்³ரபி⁴ன்னா: ஸுதூ³ரே
வினஶ்யன்து தே சூர்ணிதக்ரௌஞ்சஶைல
॥ 29 ॥

ஜனித்ரீ பிதா ச ஸ்வபுத்ராபராத⁴ம்
ஸஹேதே ந கிம் தே³வஸேனாதி⁴னாத²।
அஹம் சாதிபா³லோ ப⁴வான் லோகதாத:
க்ஷமஸ்வாபராத⁴ம் ஸமஸ்தம் மஹேஶ
॥ 3௦ ॥

நம: கேகினே ஶக்தயே சாபி துப்⁴யம்
நமஶ்சா²க³ துப்⁴யம் நம: குக்குடாய।
நம: ஸின்த⁴வே ஸின்து⁴தே³ஶாய துப்⁴யம்
புன: ஸ்கன்த³மூர்தே நமஸ்தே நமோஸ்து
॥ 31 ॥

ஜயானந்த³பூ⁴மம் ஜயாபாரதா⁴மம்
ஜயாமோக⁴கீர்தே ஜயானந்த³மூர்தே।
ஜயானந்த³ஸின்தோ⁴ ஜயாஶேஷப³ன்தோ⁴
ஜய த்வம் ஸதா³ முக்திதா³னேஶஸூனோ
॥ 32 ॥

பு⁴ஜங்கா³க்²யவ்ருத்தேன க்ல்ருப்தம் ஸ்தவம் ய:
படே²த்³ப⁴க்தியுக்தோ கு³ஹம் ஸம்ப்ரணம்ய।
ஸ புத்ரான்கலத்ரம் த⁴னம் தீ³ர்க⁴மாயு-
ர்லபே⁴த்ஸ்கன்த³ஸாயுஜ்யமன்தே நர: ஸ:
॥ 33 ॥